Un mucha-muhé di 2 aña ku a nase na Kòrsou. Su kuriosidat ta e motor, pa siña nos muchanan na kas opheto-, palabra-, formanan i hopi mas. Esaki semper e ta hasi den kompania di su amigunan. Ku un karakter balente i alegre Èni ta disfrutá kada paso siñando kosnan nobo.

Pako ta e maskota di Èni. Un kachó ku un rabu ku no ta stòp di yanga. E gusta hunga i tambe ta hopi kurioso. Tur kaminda ku Èni bai, Pako tambe ta presente. Tur kos ku Pako mira e ta kere ta kuminda.

Lupita ta aparesé solamente ora Èni mester di dje. E ta wòrdu yamá i ta aparesé durante su kantika. Di e manera aki Lupita ta yuda dunando mas detaye di e obheto-, palabra- i formanan ku ta wòrdu siñá.

Igi ta un yuana ku un karakter serio. Su opinion ta hopi importante p’e. Su manera di komuniká ta dor di move ku su kabes bisando si òf nò. Semper Igi ta keiru den palu ku su pasonan lento.

Fili ta un para ku hopi energia. Semper e ta bula pariba i pabou. Su kambio di humor ta riparabel na su manera di bula òf flùit.

Un lora pirata, mayor di edat. Gusta konta di su eksperenshanan riba laman, den forma di un kuenta. Semper e ta den búskeda di kosnan balioso, pero mester di yudansa di otro, pa motibu ku e tin un wowo i un pia so.

Porkito ta ruman hòmber ohochi di Nola. Semper ta hasi kosnan sin pensa. Ta sinti su mes kómodo di ta semper shushi na lodo. E ta kontrali di su ruman muhé.

Nola ta ruman muhé ohochi di Porkito. E ta un porko hopi disipliná i organisá. Kontrali di su ruman hòmber semper e ta hasi tur kos korekto. E ta kana limpi i ku su streki.

E ta un flamingo hòmber ku gusta kanta y baila. Kanta y baila ta su manera pa resolvé tur kos. E ta e lider di su grupo, esun mas popular.

Kiki ta un flamingo muhé ku ta resaltá dilanti tur otro. Un flamingo modelo, hopi atraktivo. E tambe ta gusta baila, manera hopi otro flamingo den e grupo.

Isha ta un barbulètè ku ta resaltá mei mei di tur otro den su grupo. E ta e úniko ku tin un kombinashon di figura i koló. Isha semper ta enbolbí den siña nos muchanan tur kos tokante di figura i koló.

Yena ta un bayena mucha, ku ta divertí ku tur loke e haña bou di awa. Semper e ta den búskeda di kosnan nobo. Na su harí bo sa ku e ta den bisindario.

Rozi ta un mama turtuga. Su prioridat ta pa kuida i protehá su yunan. E ta hasi tur kos ku ta posibel pa su yunan ta bon.

Rigi ta un yu turtuga. E ta ruman mas grandi di Roco. Su karakter ta balente i no tin miedu di nada. Semper e ta e promé ku ta tuma akshon. E ta kontrali di Roco.

Roco ta un yu turtuga, ruman chikitu di Rigi. Roco ta tímido i no ta tribi hopi manera su ruman mas grandi. Semper e ta sigui Rigi su pasonan.

Gia ta un pòwis hopi bunita. Ora e tende muzik òf ora e entusiasmá e ta habri su plumanan i mustra su bunitesa. Su tarea ta di siña nos e alfabèt. Su entusiasmo ta riparabel ora e habri su plumanan

Kabi ta un kabritu hopi sabí. E gusta kompartí su konosementu di algun konsepto di aritmétika i matemátika.